ഐസൊലേഷൻ വാർഡിലും ലൈംഗിക അതിക്രമം : യുവതി മരിച്ചു.

(Representative image)

പട്ന : ഐസൊലേഷൻ വാർഡിൽ  ലൈംഗിക  അതിക്രമത്തിനു ഇരയായ യുവതി മരിച്ചു. ബിഹാറിലെ അനുഗ്ര നരേൻ മഗദ് മെഡിക്കൽ കോളേജിൽ ആണ് യുവതി പീഡനത്തിനു ഇരയായത്. അതിഥിതൊഴിലാളികളായയുവതിയും ഭർത്താവും കഴിഞ്ഞ മാസം 25 നാണ് ലുധിയാനയിൽനിന്നും ബിഹാറിലെ ഗയജില്ലയിൽ എത്തിയത്. ലുധിയാനയിൽ വച്ച് യുവതി ഗർഭഛിദ്രത്തിനു വിധേയയായിരുന്നു. ഗയയിൽ എത്തിയപ്പോൾ യുവതിക്ക് രക്തസ്രാവം ഉണ്ടാകുകയും  അനുഗ്ര നരേൻ മഗദ് മെഡിക്കൽ കോളേജിൽ പ്രവേശിപ്പിക്കുകയും ചെയ്തു.

തുടർന്ന് ഏപ്രിൽ 1നു  യുവതിക്ക് കോവിഡ് ലക്ഷണങ്ങൾ  ഉണ്ടായതിനെ തുടർന്ന് ഐസൊലേഷൻ വാർഡിലേക്ക് മാറ്റിയിരുന്നു. പരിശോധന ഫലം നെഗറ്റീവ് ആയതിനാൽ യുവതിയെ ഏപ്രിൽ 4 നു  പിന്നീട് ആശുപത്രിയിൽ നിന്നും ഡിസ്ചാർജ് ചെയ്തു. വീട്ടിൽ എത്തിയിട്ടും യുവതി അസ്വസ്ഥതകൾ കാണിച്ചു. തുടർന്നുള്ള ചോദ്യം ചെയ്യലിലാണ്‌ പീഡനവിവരം പുറത്താവുന്നത്.ഐസൊലേഷൻ വാർഡിൽ ഡ്യൂട്ടിക്ക് ഉണ്ടായിരുന്ന ഡോക്ടർ രണ്ട് രാത്രികളിൽ യുവതിയെ  ലൈംഗികമായി പീഡിപ്പിച്ചു എന്ന് യുവതി വ്യക്തമാക്കിയത്.

ഏപ്രിൽ 6 ന്  അമിത രക്തസ്രവത്തെ തുടർന്നു യുവതി മരിക്കുകയായിരുന്നു. പോലീസ് അന്വേഷണം ആരംഭിച്ചു. ഡോക്ടറെ കണ്ടെത്താൻ ഉള്ള ശ്രമത്തിൽ ആണ്.

Eng. Women rapped in covid 19 isolation ward at Bihar